أقول اسمك - باسم الكربلائي
أقول اسمك
باسم الكربلائي
من اصداره قل ما تشاء
الرابط للتحميل (1) : http://www.mediafire.com/?jq55mtz5cl4g9hz
الرابط للتحميل (2) : http://yahusain.persiangig.com/agoolEsmak.mp3
الجودة : عالية جدا ( 320kbps) ئ
File Size : 21.5 MB
أقول اسمك تفيض بصدري عبراتي
حسين و صورتك تجري ويه دمعاتي
اشوفك يا حزن عايش وسط ذاتي
ملاذي وتنتهي يمك جراحاتي
حزن يرسم طفوفك لوحة أوجاعي
بحر دمعي اعتنيك و حسرتي شراعي
صليل سيوف حزنك يذبح اسماعي
خيول الهم تدوس بذكرك اضلاعي
خذت من هم محرم حزني و اطباعي
واقصدك من تشب في حزني جمراتي ملاذي وتنـتهي يمك جراحاتي
صمت عن الفرح لمن يهل نوحي
عزائي لجرحك اتضل تنزف جروحي
إلك راية حزن رفت على سطوحي
حوافر خيل حزنك صالت بسوحي
يمن مالك نبض قلبي و حزن روحي
قمر يمشي قضيت بحزنك أوقاتي ملاذي وتنتهي يمك جراحاتي
بمهر دمعي أسافر لك بلاي حدود
أشوفك عالترب نايم حزن ممدود
الملايك تنزل تصلي إلك و تعود
تغطي جسمك الطاهر دمع و ورود
ألا يا من مصابك بيه جنت موعود
جنت صابر رغم ما تعلم الآتي ملاذي وتنتهي يمك جراحاتي
أدورك يا عشق ظامي إلعذب ملقاك
شراعي المبحر بدمعي يروح وياك
لساني الما يمل ذكرك و لا ينساك
يسولف لك عشق روحي و يصيح اهواك
ظلام الي سكن روحي يحل ضوالك
حروف اسمك تصير بشوقي آياتي ملاذي وتنـتهي يمك جراحاتي
نهر تروي الوجود بثغرك الظامي
تنسيني بمصابك جمرة آلامي
خيالك صـرت أشوفه بصحوي واحلامي
جسد متغـطي بجراحه ونحر دامي
حزن ما ظن يفارقك حزنك أيامي
نجم مافارقت ظلمة سماواتي ملاذي وتنتهي يمك جراحاتي
عهد اسمك يبو الأكبر فلا ننساه
دماء تسيل من اجله تظل نهواه
على رمح المجد راسك عجب شفناه
يسير و بالسماء نجوم تمشي وياه
عجيبة شلون ظامي و نرتوي من ظماه
توديني على حبك جمرة آهاتي ملاذي وتنتهي يمك جراحاتي
للشاعر واثق العيساوي
النص: منتديات بقية الله
السلام عليكم يا أهل بيت النبوة و موضع الرسالة ، السلام على أئمة الهدى و مصابيح الدجى ، السلام علي الدعاة الى الله و الأدلاء على مرضاة الله ، السلام على محال معرفة الله و مساكن بركة الله ، السلام على الأئمة الدعاة ، والقادة الهداة ، والسادة الولاة .