| تبليغات | X |
|
مجموعة حيدر للطميات
|
صوت الثغر
ملا باسم الكربلائي
اذا كنت تمتلك برنامج تحميل قم بنسخ الرابط :
بسم الله الرحمن الرحيم
کف الحقد لمن وصل ثغر حسين
وينك يا عباس
صوت العقيلة و هذا صوت الکفين
وينك يا عباس
هاك استمع صوت الثغر كل العجب رأسك صبر
وينك يا عباس
...
وينك يسبع القنطرة للخوة انته المقياس
ظل العلم يم النهر و الغيرة ظلت بالرأس
يضرب ثناية ابن النبي و تشوفه و انته العباس
صح انته رأس علی الرمح
لا سيف لا کف اليصح
بس غيرتك و يه الجرح
لو صاحت يصيح القدر
وينك يا عباس
...
ظالم يصيح ام الخدر يم رأس اخوهه بغاية
وين اخوتک يا بت علي خل تحضر الحماية
و عيون ابو اليمة بزعل صدن لراعي الراية
عباس اختنه بيا وضع
تبکي و يعاتبنه الدمع
احاه يکف المنقطع
اسمع ينادي عله النهر
وينك يا عباس
...
بعدك يکفال الحرم غير الحزن ما عدهه
لاكن شجاعة حيدره بكل موقف تجسدهه
صرخة و تظل طول الدهر كل ثائر يرددهه
لاكن اشد من اليسر
وقفتهه بين اهل الغدر
تميل و يتکیهه الصبر
كل دمعة ترجمهه الدهر
وينك يا عباس
...
فزت يتيمة من الحلم ما تنوصف حالتهه
من جابو الرأس بطشت و تلقته بدمعتهه
نامت عله الرأس و بعد ما تنسمع ونتهه
هالطفلة ما عادت تون
لا حسرة لادمعة بکفن
لمن اجتهه ام الحزن
شافتهه ميتة علی النحر
وينك يا عباس
...
يابه الفضل طبع الحرم بس للكفيل تنادي
طفلة علی الرأس انتهت طفلة انتهت بالوادي
و الحادي يضربهه بحقد کتال ابوهه الحادي
ظالم و لاهه بلا رحم
تمشي و تطيح من الالم
كل نظرة يا راعي العلم
احظر تصيح من الخطر
وينك يا عباس
...
عيني علی عينك باليسر و عين الحسين لعينك
نظرة تمني لرايتك يابه الفضل بيمينك
يالنظرتك موت الخصم عن هل المصايب وينك
يالركبتني بمحملي
مهظومة يا ضنوة علي
وينك ترجعني لهلي
من غيبتك ظهري انكسر
وينك يا عباس
