X
تبلیغات
يا حسين - يا عبدالله يوليدي - باسم الكربلائي
مجموعة " حيدر " للطميات و الأناشيد الشيعية


يا عبدالله يوليدي

باسم الكربلائي


الرابط للتحميل (1): http://www.mediafire.com/?q0f05n5431216sa
الرابط للتحميل (2): http://yahusain7.persiangig.com/abdalla.mp3
الجودة : عالية جدا ( 192kbps)  ئ

File Size : 9.96 MB



يوليدي

يا دم يسيل بوريدي

يا عبدالله يا وليدي يا دم يسيل بوريدي

جنت دمي الي يجري ومن نزف دمك     نشف قلبي وبقيت انت بقلب أمك

من جروحي     ارتفع نوحي

يا عبدالله سنة     اتعدت على موتك
صدى ونيني     ودمع عيني
أضوي شموع فقدك فوق تابوتك
بشمع فقدك     بحزن مهدك
اجيت افتح عيونك لأمك مروتك
عقب موتك     ردت صوتك
أسمعه لأني أسمع    بس حجي سكوتك
شمع ميلاد أحزانك     يضوي فوق جثمانك
شموعك سته والسابع صبح سهمك
نشف قلبي وبقيت انت بقلب أمك


أهز بيدي     أيا عيدي
يا يمه يميل قلبي ويا المهد لو مال
أنا قبالي    مهد خالي
أثاري قاع أهز قبرك ولا عالبال
جفن يبجي    صرت أحچي
دلل لو يالقبر نام الليالي طوال
فرغ مهدك    حرت بعدك
دلل لو يالولد المن بعد تنقال
علقت شموع بمصابك    تضوي جروح بغيابك
شموع الما تفرحك حتماً تألمك
نشف قلبي وبقيت انت بقلب أمك


صرت أسأل    يا المدلل
شوكت نمت بمهد يالمهدك أضلاعي
يشاهدني    يشبهني
بسفينة أبحرت وقماطك شراعي
حرت بأمرك    بسهم نحرك
قدر وحده يخطفك من على ذراعي
من أحزاني    الوحي جاني
أبلغ للحزن ودموعي اتباعي
عليك اليوم أتحسر    أصب دموع وأتذكر
تعال ارحم ضلوعي الجانت تضمك
نشف قلبي وبقيت انت بقلب أمك


جرح يدي    احضرت وحدي
سنة اتعدت وأنا لملقاك ولهانة
اذا رايد    على يشاهد
اخذ دلالي وانشد عني شريانه
تعرف شوقي    من عروقي
سوى يا ريت بالطف سالت دمانه
أسألنك    وأنشدنك
شفافك هم بعدها يبني عطشانة
يا من عطشان بالطف مات    شكثر أنهار بالجنات
تره ساقي العطاشة عالنهر يمك
نشف قلبي وبقيت انت بقلب امك

للشاعر: مقداد الهمداني
النص: منتديات بغدادي الحبيبة
+ كتب في 2010/12/11الساعة 5:22 AM بواسطة حيدر  |