X
تبلیغات
يا حسين - يا يوم أشوف اعتابك - ملا باسم الكربلائي
مجموعة " حيدر " للطميات و الأناشيد الشيعية

يا يوم أشوف اعتابك
 
ملا باسم الکربلائي

 

اذا كنت تمتلك برنامج تحميل قم بنسخ الرابط :
 File Size :14 MB 
اسمع اللطمية قبل التحميل

 

 بسم الله الرحمن الرحیم
 
 
يايوم اشوف اعتابك اوقف حزين ابابك و ارجع أزورك يا حيدر أرجع أزورك
طول علي غيابك مشتاق أشم اترابك و ارجع أزورك ياحيدر أرجع ازورك
أنا الهويتك لاتظن نسيتك
 

علي وهذا الأسم يسري ابشراييني   نبع يلما تمل شوقك رياحيني
عتب وياك عندي ايراوح بعيني     يمن فرقاك كدر صفوة اسنيني
أريد احكي ابصراحة اوياك خليني     أخاف امكدرات الجو تنسيني
يابا الحسن ماتدري     صرت اشتريها بعمري     شوفة ضريحك ياحيدر     شوفة ضريحك
من فرقه نافذ صبري     و ضلت تعيش بفكري     شوفة ضريحك ياحيدر     شوفة ضريحك
بروحي اشتريتك لاتظن نسيتك
 

عشت اعوام يمك يا ربيع الحي     أنا ماعوفك كنت مثل الجرف والمي
لو صرت ابهجير اقصد الك يافي     ولو ليلي الوقت دلهم أشوفك ضي
غصب من جنتك طلعوني أهل الغي     وخلوني أضل لاميت ولاحي
من جنتك حرموني     برجوة ‌‌‌أمل خلوني     كل فكري يمك ياحيدر     كل فكري يمك
عنك غصب بعدوني     أمشي و دير اعيوني     كل فكري يمك ياحيدر     كل فكري يمك
عشت ابفنيتك لاتظن نسيتك
 

مو بيدي غصب عفتك يبو الحسنين     وعنك رحت أتلفت و ادير العين
قلت هالفرقة بالميت شهر شهرين     طالت ياعلي لاسنة و لا سنتين
أناشد عالصبر ما أدري دربه امنين     خذن ثلثين حيلي امخلفات البين
دنياي نفرت عني     و حتى الصبر مل مني     مشتاق أشوفك ياحيدر     مشتاق أشوفك
اغفى ابوسادة ظني    و اصحى علدم عي ووني     مشتاق أشوفك ياحيدر     مشتاق اشوفك
يا مانخيتك لاتظن نسيتك
 

البعد شيبني يا من فرقتك كلفه     جرح شوقي غميق و ما وقف نزفه
ليالي الضيم باقن بسمة الشفة     و اسنيني انقضت بالحسرة و اللهفة
لكن بعد الأمل في الروح مايخفى    و احس روحي بعد هل هالوقت ترفة
من عيني ينزف موحي     و أنا بترافة روحي     أرسم خيالك ياحيدر      أرسم خيالك
هالحبر دم اجروحي     صرت ابصحيفة نوحي     أرسم خيالك ياحيدر     أرسم خيالك
ابروحي لقيتك لاتظن نسيتك
 

خيالك عايش من اسنين واتحسر     و لا أدري مصيري اشلون ياحيدر
صرت ما أشعر بطعم البرد والحر     و إذا نسمة هوا اتــزاحمني اتكــدر
جمر ظيمي ابصميم احشاي يتوجر     و بــعيني غــدت عبــراتي تــتكسر
ما عندي غفوة بنومي     و لاصحوة تجلي اهمومي     حيرني بعدك ياحيدر     حيرني بعدك
ما مش سعد بنجومي     و لافرحة تسعد يومي     حيرني بعدك ياحيدر     حيرني بعدك
ترحمني ريتك لاتظن نسيتك
 

يا وهجة عشق ناغت خلايا الدم    اخلافك عمري درة و ضايعة ابمنجم
ابغيرك شمل روحي ما بعد يلتم     يبو الحسنين انت الجرح والبلسم
يا يوم اوصلك و اكشف سحاب الهم     و انفض يم ضريحك كل غبار الهم
يا يوم اوصل يم قبرك     و انصب مناحة ابكترك     و ابكي المصابك ياحيدر     ابكي المصابك
يالماصفالك    دهرك  اذكر مرارة صبرك     و ابكي المصابك ياحيدر     ابكي المصابك
و اذكر رزيتك لاتظن نسيتك
 

اتمنى مثل هاليوم كنت اهناك     و اجدد يم ضريحك هالعهد وياك
وانصب مأتم على امصابك وانعاك     و أون ون الثكالى الفقدك وفرقاك
لكن ما نسيتك عايش ابذكراك     ضميري من بعد يا بالحسن ناداك
بين الدمع و الحسرة     أذكر لهيب الطبرة     يصعب مغيبك يا حيدر     يصعب مغيبك
من عيني تجري العبرة     بين الجوانح جمرة     يصعب مغيبك ياحيدر     يصعب مغيبك
بالهم بكيتك لاتظن نسيتك
 
+ كتب في 2008/12/24الساعة 11:42 AM بواسطة حيدر  |