X
تبلیغات
يا حسين - نذرت الحب - باسم الكربلائي
مجموعة " حيدر " للطميات و الأناشيد الشيعية


نذرت الحب

باسم الكربلائي


اذا كنت تمتلك برنامج تحميل قم بنسخ الرابط :
الرابط للتحميل (1) : http://yahusain3.persiangig.com/Nethartel%20Hob.mp3
الرابط للتحميل (2) : http://www.fileupyours.com/files/271821/Nethartel%20Hob.mp3
File Size : 11.5 MB

 اسمع اللطمية قبل التحميل





بسم الله الرحمن الرحيم

نذرت الحب ابواليمة حياتي
شفت حبه اليحقق امنياتي
و اقول بحب الحسين
قليلة دمعة العين
شفت حبه اليحقق امنياتي


اوسع من خيالي اشما اشوفك بعتقادي
يا الحبك سرى بدمي و تملك كل فؤادي
و لهذا السبب يا حسين احسك سر ودادي
إلك طول الوقت يالغالي دايم إنشدادي
يقيني و كل شعوري صرت مصدر سروري
أحبك و اللي يحب لازم يضحي و ما يبالي
يا غاية امنياتي إلك ناذر حياتي
احسك نبض قلبي و كل وكت انته عله بالي

أنا بعين العقل شفتك مصيري يا رجائي
شفت موتي على حبك يا حبيبي سر بقائي
و أقول شلون اعبر عن صدق حبي و ولائي
اذا ما رخصت لأجلك يا بو اليمة دمائي
اضحي لك وجودي ثمن حبك خلودي
و إذا أقول أنت ديني لا و حقك ما أغالي
صرت قبلة صلاتي و أشوفك أنته ذاتي
و أنه بحبك أريدن أرتقي صرح المعالي

و أجيك بلهفة الضامي لأن قبرك فراتي
و أروي ضامري بشمت عطورك يا نجاتي
يمن نورك وضوئي و قبلتي بساعة صلاتي
و أحس بذاتك القدس ارتبط من صغري ذاتي
وجوب لقبرك أسعي و اريد يلبي دمعي
يلبي بأسمك و يهتف انا العبد الموالي
عرش رباني أشوفك و اسبح من اطوفك
و اذوبن مثل شمعة و اسرح بعالم خيالي


مثل حبو الطفل أحبو بضريحك يا امامي
على اعتابك اخط بدمعة اعيوني مرامي
و أسلم و آنه ادري ترجع علي سلامي
وسامي هو هذا من تجاوبني وسامي
شهم قلبك أعرفه بحر فايض بعطفه
تحاميني ابشعورك عن يميني و عن شمالي
على الحزو رقبتك عطوف تهل دمعتك
و انا الخادم الك و انتظرك تحن على حالي


جنون الهايم العاشق أنا بحبك جنوني
اصد لمصرعك و انزف على مصابك شجوني
قبل ما قطعوا جسمك عسى انهم قطعوني
قبل ما صوبوا جبدك وسط جبدي رموني
رسول الله يشمك على صدره يضمك
يقلك انته مني و انه منك يا مثالي
يحز السيف نحرك تدوس الخيل صدرك
قبل راسك ردت راسي تشوفه برمح عالي


و حق كل قطرة من دمك جرت بالغاضرية
وحق شوغة رضيعك سيدي ضلع الزجية
على مصابك لأبجي الناس كل صبح و مسية
و أصيح شلون زينب يا وسف راحت سبية
نظر عيني لسيلة على مصاب العقيلة
على الهزل مشت مسبية حرمة بغير والي
تودع كل اهلها على الشاطي الكفلها
تصيح بصوت يا عباس لو تدري اشجرا لي

للشاعر السيد سعيد الصافي
+ كتب في 2010/1/3الساعة 1:49 PM بواسطة حيدر  |