بسم الله الرحمن الرحيم

حاير باجر بمنجاي      أخاف أنحكم بس أعثر
شقولن يوم المحاسب     و بيا عذر أتعذر
الدنيا تنكضي لاجن     شيكضي ساعة المحشر
و انا أدخيلك يبو السجاد     و انت للدخل حماي

حماي الدخل يا حسين     كل الوادم يشهدون
بر وبحر مو منكور      جن و أنس يعترفون
بس وحدة يا بو اليمة     العكل من عندها ظل مذهول
شلون انهضمت سكينة     سكت و لا قلت بحماي

حسين يا حسين يا حسين حسين يا حسين يا حسين

عزيزة قلبك و جتك     شلون الشمر يدناها
روعها و اجت يمك     و أنت تسمع ابجاها
من الخوف لاذت بيك     غير يكون تحماها
تناديك برفيع الصوت     يا بويه و يا بعد جلاي

حسين يا حسين يا حسين حسين يا حسين يا حسين

يا بويه من كطع راسك     و من هو السلب اثيابك
يا بويا غطى كل مصاب     مصاب الماجرى مصابك
عسى بعيد البلى مخضب     و من فيض الدمى خضابك
كبل ما شوفك بهالحال     يا ريت انعمت عيناي

حسين يا حسين يا حسين حسين يا حسين يا حسين

عمت عيني و لا شوفك     ذبيح و يجري دم نحرك
و أنصارك و أهل بيتك     ضحايا امطرحة بكترك
يا ريت اتعقرت هالخيل     و لا جالت على صدرك
يا ريت الموت أخذ عمري     شلي ابعمري عقب ولياي

حسين يا حسين يا حسين حسين يا حسين يا حسين

شلي ابعمري انقصف عمري       و عمري بذل عسن لا طال
كنت محجبة بخدري     و لني مجتفة بحبال
بين اخوتي بهيبة و عز     و لني بين قوم أنذال
بالبل طوح الحادي      مدري بيا كتر منواي

حسين يا حسين يا حسين حسين يا حسين يا حسين

يا بويه جن صار الصار     و عطشان الكفر ذبحوك
ليش بهالشمس عاري     و ليش بجفن ما لفوك
ليش على الرمح راسك     ليش بلا دفن عافوك
ليش تسلب حجابي     صرت أتستر بيمناي

حسين يا حسين يا حسين حسين يا حسين يا حسين

ردت أنصب مناحة عليك     ليش الكفر منعوني
ليش عيوني من تدمع     بجعب الرمح ضربوني
ليش أقطع دروب ابعاد     عنك غصب مشوني
أي والله يا بو اليمة     جرعت الحنضل من عداي

حسين يا حسين يا حسين حسين يا حسين يا حسين

http://www.shmskrbla.com/vb/showthread.php?p=251237

الميمون

 

 

ملا باسم الکربلائي

 

 

اذا كنت تمتلك برنامج تحميل قم بنسخ الرابط :

الرابط : http://yahusain.persiangig.com/audio/Al%20Mimon%20-%20Basim.mp3

File Size : 9.50

بسم الله الرحمن الرحيم

كلي يا الميمون وين والينا
راح ابو السجاد لو يرد لينا
انه يا الميمون بيدي جدمتك
وانخمش قلبي 
من رحت بحسين
بالله ودعتك والباري حسبي
بكت روحي تلوج
وانتظر جيتك
واعيوني تربي
جيتني خالي
حسين جاوينا
راح من ايدينا
بالله يا الميمون رد علي جواب
واخفي ونينك
و سرجك المقلوب
صاب قلبي صواب
هذا دم حسين
لو حمار اخضاب
ما تدليني
همهم الميمون
واهملت عينه
راح من ادينا
دم يهل ميمون
وجهك اخضابه
و القلب عطب
من وريد حسين
لو من اصوابه
وجهك تخضب
كلها سهم البين
بالقلب صابه
اشمالج يمينه
دم اخوج حسين
ما تعرفينه
راح من ايدينا

ليش يا الميمون
مندهش حالك
مجبل عليه
و تجر بلجامك
و تصهل شمالك
ونتك خفية
جيتني خالي
وين خيالك
عفته رمية
وين اخويه حسين
عن صواوينا
راح من ايدينا

بالله يا الميمون
لهفتي ردها
و هود عويلك
قلوب هالايتام
لا تمردها
هدمت حيلي
هاي سكنه تريد
مني والدها
فجعت دليلي
جن اخويه حسين
يتم سكينه
راح من ايدينا

ليش يا الميمون
شيبت حالي
و هدمت داري
و اكطعت بيه
ابطيحة الوالي
اه يا انكساري
و اكطعت قلبي
ابسرجك الخالي
و هيجت ناري
حرم ضلينا
و من يحامينا
راح من ايدينا

النص : ملتقى جنة الانسان

http://www.jannousan.org/vb/showthread.php?t=13983